生命的價值

飛天火羽小姐在我的文章,提起生命的價值.愈想愈多,所以開新文章.

(先此聲明,本文純粹借題發揮解釋自己看法,絕非單打/找碴/意圖或企圖改變他人想法/否定任何人的思想,如有任何人士對本人有什麼意見/不滿,請對我說好了.)

生命的價值,問一萬個人,會有一萬個答案.

先講我自己看法吧.我的生命得來真的很容易,廿幾年前一個風雨交加的晚上(別問我是不是真的風雨交加,小說總是這樣寫的),一個男人和一個女人….這就是我的生命.是的,很幸福,順風順水,沒有捱過窮,沒有大病或者殘缺(除了腦殘)

我的生命得來豈止容易?簡直是強迫.如果可以回到過去,我一定會叫阿媽學習如何生一舊叉燒或者生舊油雞.但我阿媽不會生叉燒,所以我就在這裡.

既然被迫接受,便活下去.每個人總有活下去的理由.我活著的理由,是因為有人需要我.當我活得膩了,需要我的家人,朋友都不在了.拿條繩子套一套,拉一拉便成.

生命價值?問一萬個人,會有一萬個答案.每個人都有自己的一套看法,每個人都有自己的方式去演繹生命,每個人生在世上,就是為了建立自己的獨有的人生觀.這就是生命的價值.

生命的價值在於尊重.尊重別人的決定.包括放棄生命的權利.

每個人都有權利選擇生存,為什麼沒有放棄的權利?

我四肢健全,喜歡的話, 隨時拿條繩子套一套,拉一拉就可以.有權去放棄自己的生命.但斌仔四肢癱瘓.沒有自殺的能力.就連放棄自己的生命的能力也沒有.

生命得來不易,所以好好珍惜?一件事是否值得珍惜,和它是否得來不易,沒有必然的關係.好像婚姻也是得來不易,但如果真的合不來.補救過也無辦法的話.是不是因為得來不易就要讓它綁著自己?


幸福與否,不是在於他有什麼經歷,而是在於他有什麼態度.

就算貧窮,疾病之類,只要他可以用樂觀積極的態度去面對,他是幸福的. 反正,豐衣足食也好,如果沒有希望,沒有寄託,他是不幸的.

用基督徒的說法,就是感恩.懂得感恩,就會幸福.

人最大的問題,就是往往將心靈上的問題和物質上的問題混為一談.

「你睇下大把人仲慘過你啦.」「別這樣吧…」這是最差勁的方式.這是將他們完全否定.

他們最需要的,是認同,支持,不是否定.

我覺得斌仔的不幸,不是因為他殘缺.而是因為他被那些自以為善良的人,一次又一次的否定.


「生きたけりゃ勝手に生きればいいし、死にたければ勝手に死ねばいい」

(想活的話,就自在的活吧,想死的話,就自在的死吧.)這句出自完全自殺手冊.

這就是我看生命的價值.

我幸福不? 蠻不錯呢.


每次講起這個題目,大家都將焦點放在斌仔有幾慘.斌仔應該怎樣怎樣….

其實,我想講的不是這個.他慘不慘,或者他,我們第三者覺得慘不慘,一丁點也不重要.

問題是,我覺得斌仔,每個人應該有選擇放棄的權利.

就算你想死也好,不想死也好.我們有手有腳,就有權選擇死亡.

和人生觀,經歷之類完全無任何關係,這是中性不過的事實.

我覺得斌仔應該有此權利,不代表覺得他應該怎樣怎樣做.

決定權,應該在他自己手中.


在其他學校學過日文,但太少機會練習?
想度身訂造適合自己的課程?
請到 http://www.ari-sensei.com/about/ ‎ 了解詳情

或者使用Facebook Messenger:【在線解答】

在我的facebook 專頁按讚,就不會錯過我的更新了啊!

60 Comments

  1. 人生存,唔只繁殖,我地人類,有價值層.否則只會和禽獸一樣,人禽之別正在於此……
    我梗係唔會咁講野.
    其實文少你講得好岩,人生存確是為了繁衍.(唔知你有冇睇火鳳啦)
    那麼,如果好像上面斌仔那般,五肢癱瘓,學你話齋,就連一隻單細胞阿米巴變形虫都不如.咁,他要死的話,我地係唔係唔應該阻佢呢?
    這個世界,有勝利組,有失敗組.(日本仔成日講呢樣野)冇人想做失敗組,不過總會有人做.總會有人溝唔到女,無伴終老,自X 一生…
    那麼,那些人又如何呢??
    煩請文少介紹三五個美女給小弟,好讓我實現生命的價值….(被打飛)

  2. mouse :
    奇怪!不瞞你說,我很少想深奧哲理問題。年輕時,看哲學、心理、宗教等書藉,都只是純理論吸收而矣!
    我相信生活與時間會教懂我如何尋找生命的意義、價值與快樂!
    正如你說,我必須尊重你的思維,這全是你的個人意向。面對別人的人生觀,我只會聆聽,那便足夠了。祝你能找到適合自己的方向!

    生命的意義,每個人都可以講得很動聽…但講同做就兩回事呢.

  3. TO:文少

    火鳳,起碼到目前為止都仲好好睇.

    斌仔個CASE,如果佢有能力殺死自己的,我就唔需要打咁叉大篇野出黎.我五肢健全,有權選擇死亡.(唔代表我會做!),但斌仔冇辦法選擇.
    揸頸就命慘唔慘都唔重要,慘唔慘都只係睇你點睇,識得感恩,咪會幸福.
    事實上我或者斌仔覺唔覺得慘都唔係重要.斌仔慘,係慘在冇權去選擇.

    咩叫失敗組?
    都係果句,睇你態度.都係每個人有唔同的定義.
    人同動物最大的分別,就係動物的食慾,性慾滿足就唔會諗其他野.人唔係,所以我地會打blog,會有人生目標,會想人生的意義…
    (又要講價值層…我都好憎講呢D 野…)
    我自己的定義,就係滿足唔到自己的目標,已經可以算是失敗.
    我覺得呢個世界總有D 人的觀點係為大眾所不容.但人最大的問題,就係經常用自己的尺去度人地.

    有朝一日,我想死的時候,咪死囉.我而家唔想死,咪坐響度吹水.就係咁之嘛.

  4. yy :
    真的…看了你這篇…想爆頭的不明…
    似是而非的道理….
    人不是底等動物…人有思想…如果有個人無厘頭,無啦啦話要死….(四肢健全個隻…)
    真的要捉佢去四川睇下至得…(我諗佢未必會自動會做義工)
    如果有個人身患絶症,生癌,好辛苦想死的話…又可能會好同情佢…
    咁多個別假設….所以不可一概而論.

    你有咩唔明先?逐點逐點問囉.
    我自己覺得斌仔,或者其他想死的人最需要的是尊重,不是同情.或者表面鼓勵實則否定的行為.

  5. 文少 :
    YY﹕
    我對於D人成日自稱高等動物真係好反感﹐自大!自吹自擂!人只不過係食物鏈入面排最高﹐咁就好高等咩﹖(我其實係反人類的﹐閃)
    如果人有思想﹐係人唔會低等動物憑據﹐思想應該係有利於智人呢種動物繁衍啦﹖但如果所謂思想出現一個bug﹐竟然令人做出違反最基本0既求生動物本能﹐做埋晒D自毀行為﹐思想係令人類變得所謂高等﹐定係令人變得比其他動物更低等呢﹖

    我也是極度討厭自稱高等動物的人…人,衣冠禽獸而已.
    禽獸食飽就唔會傷害人,但人唔會.
    (其實我係主張淨化地球陷球剷的.閃!)
    文少這個問題真的很有趣,我真的答不出呢.

  6. Emily :
    好heavy既topic…
    要時間諗下點回,零晨2點幾我個腦已經function唔到

    寫下寫下我呢邊已經五點.我都個腦已經function唔到…(反正就算function緊都係亂黎…)

  7. 除了廣告,人身攻擊,重覆之外,我不會刪留言的..

    英文我沒有聽過「group of success 」「group of failure」這類字眼,但我身處的日本確是這樣.日本人經常將「勝ち組」、「負け組」掛在口邊的.如果你有機會到日本看, 便會明白.

    其實,飛天火羽小姐講的是也十分正確.只是這個世界有很多不正確的人.所以這個社會有那麼多的問題出現.

  8. yy :
    人的思想在於會分析,會發展,會創造,當然也會破壞和自毀…
    你見過動物自殺未呢請問?

    赤兔馬?關公死左就跟著絕食死.
    現實也好像有類似絕食的例子.我不太肯定.

  9. 貓比斯 : 呢個題目真係好沉重,但好值得思考(o習o習...而家我食緊勁辣既雲南米線都要回應呀)個人認為生命既價值還是生存,不論為他人而活or為自己而活當然,生命的價值,也在乎個人睇法.呢個世界就係咁,任何事(包括價值)都有辣有唔辣,睇你點睇點選擇.不過請尊重他人既決定可以講呢個世界好多o野唔公平;但我認為至少有一樣o野是公平的---人/生命始終要離開(死亡),睇吓早或遲,舒服d或辛苦d如果選…

    我可能真係冇咩經驗過危險事啦.不過我都完全冇了結自己的打算.
    應該咁講,我唔會俾「生命寶貴」之類的框框綁住.
    我覺得真係生無可戀,唔係一時衝動,真係要去的話就應該尊重他的決定的.
    一樣人養百樣人,我自己就最討厭將自己想法強加於人身上.

    P.S. 吊頸方便快捷丫嘛,有咩好得過佢丫…

  10. hongkongjin :
    某程度上我同意你講話人有權利去結束生命
    不過呢…拿,我未做人呀媽我唔知,可能做左人父母之後可能會有唔同0既想法都未定…
    仲有,你呢一刻可能覺得結束生命都無所謂,但下一刻當你遇到一打半打世紀大美女撲埋梨果陣你就會改變主意架啦 XD
    正所謂未到最後一秒,比賽尚未完結,但如果放棄,比賽就此結束(安西先生上身XD)

    我覺得,既然你都放棄場波,結果點樣也已經和你無關了.
    但係,我想打籃球….(三井上身)

  11. 文少 :
    逸之 :TO:文少

    火鳳,起碼到目前為止都仲好好睇.
    斌仔個CASE,如果佢有能力殺死自己的,我就唔需要打咁叉大篇野出黎.我五肢健全,有權選擇死亡.(唔代表我會做!),但斌仔冇辦法選擇.揸頸就命慘唔慘都唔重要,慘唔慘都只係睇你點睇,識得感恩,咪會幸福.事實上我或者斌仔覺唔覺得慘都唔係重要.斌仔慘,係慘在冇權去選擇.
    咩叫失敗組?都係果句,睇你態度.都係每個人有唔同的定義.人同動物最大的分…

    既然生存本來就係揸頸就命﹐可唔可以繼續生存選擇權未必係你身上﹐點解死亡又應該有選擇權呢﹖
    ↑ 因為我地係人,唔係兔仔,唔會有老虎追你.你只要繼續呼吸,已經係生存緊.

    因為人有生存的權利,我地唔可以無啦啦斬死人.咁人想死的時候,我地又點解要吊住人條命唔俾人去?

    失敗組

    根據文少的講法,要去到玩完釘蓋先叫失敗組.但現實又是不是這樣呢?我覺得未必.

  12. 文少 :
    等我又散播反人類言論先~~
    人類聲稱自己會創造會發展﹐用大自然角度來講﹐所謂創造﹑發展﹐係人類透過破壞大自然﹑改造大自然握殺其他動物生命同生存空間﹐去建立人類生存空間0既一個過程。所以由頭到尾﹐人類從無創造任何一種物質﹐只係改造物質。
    至於人類除進食﹑覓食同交配之外﹐其他行為大部份毫無建設性﹐嚴重浪費地球的天然資源。
    仲有﹐人類本身求偶同交配行為﹐很多時都唔係以繁殖作為目的﹐本身亦是一種虛耗體能和浪費地球天然資源0既行為。
    所以﹐人類時常進行一些對佢地族群生產毫無意義0既行為﹐係一種對大自然破壞性極強﹑大自然適應力奇低0既動物﹐人類只不過係食物鏈排係頂﹐但絕對唔應該被劃作高等動物。

    哈哈,這點真的完全同意呢.
    我係支持陷球剷的.

  13. 文少 :
    我調返轉﹐我認為任何有自毀傾向0既人﹐都唔值得尊重﹐唔抵可憐﹐兼且需要用恥笑態度加以鄙視。
    就好似一場打鬥﹐你唔夠打但死砌爛打﹐最後被人打瓜﹐我會尊重你係一條好漢。
    你未打先認輸﹐或者打打下舉白旗﹐我會笑你係垃圾。
    對於任何自殺個案﹐我絕對唔會因為傳統道德框架而貓哭老鼠假慈悲﹐我只會大叫抵死﹐因為呢種人求生意志低到連狗不如﹐我作為佢同類都比佢影衰晒~~

    你覺得好岩,呢個世界真係弱肉強食,優勝劣敗.但這個世界,總有一些人沒有那麼聰明,沒有那麼本事,係失敗組.總有一些人怎樣努力也做不到..
    的確你講得岩,世界係咁,我同你都無能為力.你譙不起那些人.我同情那些人.這點,係我同你決定性的差別.

  14. yy :
    你講出咗個重點,就係人類與其他動物不同之處,有建設又好有破壞又好,總之,是其他動物不能做到的,至於你認為是底等還是高等,都是一句啫~~
    我都有份破壞大自然,(誰人未試過,唔該話我知~)但人類的智慧是不可抺去.
    講講下,好似越來越離題tin…=.=”

    反人類呢點,我同文少睇法一樣的..
    人,確是沒有資格做萬物之靈..

  15. 魔法豆 :
    逸之,雖然文少不嬲都好型,但係我覺得你好慈悲!真架,你會以自己,去感受他人0既痛苦,你覺得斌仔慘,因為你明白斌仔0既痛and無奈,所以你認為佢有權利選擇死,結束自己認為唔開心0既生命。
    無錯,肉身係臭皮囊,我地當然可以選擇死,你唔鍾意自己個樣,你可以走去整容,你唔鍾意自己係男人,你可以走去變性,人當然有自由處理自己0既身體,包括生命,反正傷心0既都只係未亡人(如果你唔顧念的話)。
    但,肉身無左…

    慈悲…沒有用的.
    其實,文少講果套先係正確.慈悲,係幫唔到咩野…
    我覺得死左就係死,咩都唔會有.
    可能做畜牲,俾人劏斬煮燉.仲好過十六年求死不能也說不定.

  16. 貓比斯 :
    妳好呀魔法豆,第一次與妳交流意見呢,請多多指教啊!

    我無宗教信仰,但我喜歡聽佛理,因為我覺得佛理比較接近生活,引人心醒亦令人心景平和.

    我同意妳既想法.人只係臭皮囊遲早都要死,亦當然可以選擇先行自我了斷.但係人可以話係獨立個體,亦可以話唔係獨立個體,因為身邊總有與你有聯繫的人存在(包括親人朋友同事...),不是孤獨的.可以豁出去的話當然好,請適隨尊便,也應該有人尊重佢既決定.但是,豁出去前請考慮其他人感受&環境--因為老套d講句:生命無take two,返唔到轉頭的

    個人認為如果選擇生存,就請好好珍惜生命&生存落去,不要輕易自尋短見.不論有無輪迴&因果,請因為活而活,起碼到離開前一刻可以對自己講:我挑戰/面對/解決過困難,我沒有後悔沒有遺憾,不枉此生

    我最近都對佛理有興趣,我都覺得佛理比較接近生活,發人深省亦令人心景平和.
    我而家過緊的生活,可以算係清靜無為.(這是道家概念?不過這點佛道該共通吧…)

  17. to:貓比斯,錯字我都成日有,唔緊要。

    放心啦,我唔想死。就算係,都會係好多好多年之後的事呢。

    P.S. Better Man ,我只係聽過陳奕迅版本,不過都真係好正呢.

  18. 文少 :人智慧比唔比其他動物高﹐呢個其實唔係重點﹐重點係人類生存係靠雜食﹑飲水﹑呼吸﹐唔絕種要靠繁殖﹐呢點同其他動物相同。
    如果我地唔硬去先將自己高一等﹐係萬物之靈﹐將人類當作萬獸之一﹐反而更容易解釋到﹐人類所謂智慧﹐同所謂人生價值觀係咩一回事。
    所謂人類之所以自以為自己係高等動物﹐係指人類因為智慧比唔比其他動物高﹐所以可以利用智慧改造自然﹑改造物質﹐而建立一個更適合人類生存同繁殖0既環境…
    換言之﹐對人類來講﹐智慧如果係有價值﹐智慧係人類一種生存優勢。照道理﹐應該係為人類生存同繁衍服務。
    如果人生係有意義的話﹐生存同繁衍﹐就係人生0既意義﹐無其他意義﹑亦無可能有其他意義。
    其他唔利於生存同繁衍0既主張﹐都係反常0既。
    所以所有宗教﹑道德都反對自殺﹐內容有異﹐但原理一樣﹐因為宗教﹑道德存在意義﹐就係以鼓勵人類生存同繁衍做目標。
    即使道德或者宗教會鼓吹人類為追求一種價值﹑理想而犧牲生命﹐但內容必定係“犧牲小我﹐完成大我”﹐即係犧牲個體去保存集體﹐令人類可以繼續繁衍﹐不致於絕種。
    呢個解釋0左﹐點解逸之認為“人類有權選擇死亡”﹐會有強烈反彈﹐佢亦認為大眾所不容。
    唔係因為逸之所講﹕“人經常用自己的尺去度人地”﹐而係因為“人類有權選擇死亡”呢種諗法﹐係有違人類求生本能意識﹐不利於生存同繁衍﹐於是一般人就會近乎本能0既條件反射咁認為﹐呢種諗法係反常﹑有違常理。
    通俗D講﹐人地會叫呢種諗法做…痴線(笑)。

    哈哈,我確是可以用痴線黎形容.
    反對自殺的理論,宗教,生命寶貴,道德方面的理論我聽得多.
    不過第一次聽到有人用生物本能學黎解釋呢.學到野了.

  19. 文少 :魔法豆﹐你唔好講到我冷血先得0架﹖我係冷靜﹐唔係冷血(笑)~~同埋有D0野﹐我覺得訴諸感情係無意思。

    我唔想好似你咁用宗教道理﹑或者好似火羽咁生命好寶貴去解釋自殺呢個問題﹐係因為我覺得﹐價值觀唔同﹐唔信就乜都無用。pro少少講﹐可能我睇得帕少D文多﹐所以我想學帕少果種科學分析﹐透過解釋宗教同道德點解反對自殺﹐或者將人類當作其中一種動物去分析﹐人生所謂意義。

    雖然我至今仍然認為呢個係假問題﹐好無聊。

    點解所謂人生意義或者生存價值呢類問題好無聊呢﹖理由好簡單。當人生真係其實無意義啦﹐生存其實係無價值啦﹐點先﹖你唔生存呀﹖你肚餓唔洗食飯呀﹖你口渴唔洗飲水呀﹖你可以閉氣唔呼吸呀﹖你見到靚女﹑靚仔唔起痰先﹖唔係呀嘛﹐咁諗來把托咩﹖

    至於我話生存本身就係生存0既價值﹐原因好簡單﹐你將所有問題向前推就有答案。人點解要打工﹑做生意呀﹖搵錢。點解要搵錢呀﹖唔搵錢無飯食。點解要有飯食呀﹖因為無飯食就唔可以生存﹐會死。咪係囉。問生存有咩意義﹐同問食飯﹑飲水﹑大小解﹑透氣﹐意義係一樣0架﹐就係為生存。你覺得無價值無意義﹐你唔好呼吸呀﹖笨。

    所以呢…逸之講0既唔係人有無選擇死亡0既權利﹐係人有無選擇點去死亡0既權利。佢唔係認為人有權選擇死﹐而係選擇好死。同埋點解我話自殺係有違本能呀﹐如果唔係人類自殺要靠外力﹖例如斌仔﹐你話絕食會比人打鹽水﹐佢要死的話﹐監粗閉氣咪死囉﹖可以咬舌自盡﹑可以監粗唔大小解中尿毒死﹐只需要佢要求死意志強到可以戰勝本能咪得囉﹖點解唔咁做﹖點解要求安樂死﹖因為人再強意志﹐都好難戰勝本能﹐所以要靠外力。

    例如逸之話﹐如果佢想死佢會吊頸。點解要吊頸﹖點解要用外力﹖點解唔反鎖自己監生餓死渴死自己﹖點解唔咬舌自盡﹖點解唔學古代日本武士剖腹﹖因為佢潛意識清楚﹐本能係怕死呢個事實﹐所以要靠外力﹐求長痛不如短痛。

    所以我得出一個結論﹐如果你有老朋想自尋短見﹐勸係無用﹐話比佢聽生命好寶貴﹑自殺會落地獄﹐都無用。即場爆粗鬧佢﹐同佢講﹕「你要死嘛﹖我即場攞你命!」然後拎棍追打佢九條街﹐打到佢反艇就最有用。好冷血好變態嘛﹖唔係﹐當一個人真係意識到自己會慘死﹑死無全屍﹐死前飽經折磨﹐求生意志就會自動啟動返0架啦。

    我試過﹐真係幾work。

    文少最後講的方法,可能真的WORK.如果有一日我想死的話可能要找文少幫幫手呢.

  20. 文少 :
    我從來唔相信人係有生存權利﹐唔相信乜春天賦人權﹐人有食力先可以生存﹐有D地方你一出世﹐有自立能力前你就無得留低﹐所以你連講食力機會都無﹐所以有D人信好醜命生成。

    所謂人權﹑生存權利﹐都係D鬼佬吹水作來呃細路﹐實際係班鬼佬地方咁發達﹐其實係D鬼佬家山有福﹐祖宗護蔭﹐老豆賺錢仔享福﹐打落個江山比佢地做二世祖﹐先可以哎得咁口響~~

    自殺case亦都多D係發達地方發生。點解呀﹖如果你一出世個國家就打仗﹑打內戰﹑飢荒到要人食人﹑瘟疫﹐種族仇殺﹐你有飯食﹑執到條命仔都偷笑啦﹐有時間都掛住搵食﹐邊得閒諗乜春人生意義呀呢亭無謂0野﹖你死呀﹖仲好呀﹐你條屍唔好徙﹐我有餐食~~

    至於你話人類無老虎追你﹐生活本身咪係老虎囉﹖生活逼人嘛﹖可能你屋企剩低﹐或者你學識高搵錢易﹐去日本讀書前儲落大把啦﹖或者你未試過山窮水盡﹐越窮越見鬼﹐所以你咪未見過老虎囉﹖

    係我個世界入面﹐生活就係戰鬥﹐但係﹐其實度度都係一樣0者﹐只不過係無硝煙戰爭0者﹖如果唔係我點會話呢個世界係人吃人﹐狗咬狗呢﹖

    所以﹐你話唔認同釘蓋先係失敗組﹐係你未真正試過咩叫一敗塗地0者﹖你反鎖自己屋企三日無得食無水飲﹐你近距離接觸下死亡係咩﹐你就知我無講錯0架啦~~唔信你可以試下0架﹖可以做實驗證明的。

    可能你講得岩.
    我真係未試過刀頭舔血,朝不保夕的生活.
    可能永遠也不會明白.
    但,我覺得每人都有自己的悲傷.
    我或者那些人豐衣足食,唔需要為生活煩.就自然會為其他東西煩.
    好似人生的意義咁樣講,追求物質之後就係追求價值,需要別人的認同.就係因為價值不被支持,才會有想死的念頭呢.
    我覺得,那些人太可憐了.

  21. 魔法豆 :
    yy,我懷疑文少打字快過講野,呵呵~

    我都覺得係…好以佢打咁大段的話我諗我要一日…

  22. 飛天火羽 : 我都試過用文少的方法拋d朋友, 佢用棍我用我部寶貝車. 不過d朋友仔多數係我出手之前已經講掂左, 所以無用過. ^^

    很有趣的做法呢.我諗我有需要咁做…

  23. 呢個問題﹐我講得會有少少激動的…
    我淨係會話﹐自殺係一種違反動物本能0既生活方式﹐係證明人類係低等動物0既重要證據。
    人生價值﹐其實係一個自尋煩惱﹑庸人自擾0既假問題。價值本來就係一種人類思考得出來0既概念﹐原意係用來建立一套衡量自己對事物喜惡準則的﹐點知D人食飽飯無事做﹐諗下諗下就連自己點命有咩價值都拎來衡量﹐然後硬去為咩人生定立目標﹐等等等等…
    所以我答案只有一個﹐生存目的就係求生存同繁殖﹐呢種係本能﹐正如你肚餓會想食飯﹐見到靚女會起痰一樣﹐世上所有動物都係咁。
    作為一隻動物﹐你無法求生﹐你搵唔到食﹐你唔可以繼後香燈﹐你個生命就無價值﹐就連一隻單細胞阿米巴變形虫都不如。你仲庸人自擾到搞到自殘﹐就真係唔抵可憐。

  24. 奇怪!不瞞你說,我很少想深奧哲理問題。年輕時,看哲學、心理、宗教等書藉,都只是純理論吸收而矣!

    我相信生活與時間會教懂我如何尋找生命的意義、價值與快樂!

    正如你說,我必須尊重你的思維,這全是你的個人意向。面對別人的人生觀,我只會聆聽,那便足夠了。祝你能找到適合自己的方向!

  25. 火鳳我睇睇下無睇﹐港漫作風太強硬﹐喪煲大個頭﹐扭計扭到離0左譜﹐大到令人聞到爛尾味…(唔好意思都要講句﹐我深信火鳳係會虎頭蛇尾的)
    我係話人生存﹐係為生存同繁衍﹐唔係單單為繁衍。如果生存要有一個意義﹐生存本身就係意義。
    你肚餓就會想食飯﹐見到靚女會起痰一樣﹐比人追斬會逃走…
    至於斌仔﹐佢要死又死到咪死囉﹐最簡單咪監生自己餓死渴死自己囉﹐問題佢五肢癱瘓家嘛﹖條命唔由自己話得事﹐呢D咪係揸頸就命囉﹖
    揸頸就命係好慘0架﹐但調轉頭又唔係好慘啦~~呢D咪所謂醫學昌明囉﹐係大自然的話﹐唔好講五肢癱瘓﹐你斷手斷腳弱智白痴﹐唔比野狗分你屍就奇啦﹖
    咁係而家可以吊鹽水慘﹐定係幸福﹖
    所謂價值﹐就係衰在呢度﹐你諗得衰就乜春都可以衰﹐你諗得好就乜春都可以好。
    所以耶穌教叫人感恩﹐唔從宗教角度睇﹐單從實際作用睇﹐係可以令人唔可諗得咁灰囉。
    至於你問失敗組D人又如何呢?
    咁咩先係失敗先﹖
    如果所謂生存本身就係一種生存價值﹐就算你做乞衣﹐吊鹽水得半條人命﹐你仲能夠生存﹐餓你唔死斬你唔死﹐病你唔死﹐就唔係失敗啦。
    正如我係Kurumi篇文講﹐當你覺得山窮水盡﹑萬念俱灰﹐你諗﹕
    低處可能還未算低﹐倒不如留下自己一條狗命﹐看看自己未來還可以遇到甚麼挫折﹐看看你的人生可以折墮到甚麼程度吧﹖
    做人可以黑過墨斗﹐幾難得呀﹖唔睇下自己可以點不得好死﹐咪徙晒﹖

  26. 真的…看了你這篇…想爆頭的不明…
    似是而非的道理….
    人不是底等動物…人有思想…如果有個人無厘頭,無啦啦話要死….(四肢健全個隻…)
    真的要捉佢去四川睇下至得…(我諗佢未必會自動會做義工)
    如果有個人身患絶症,生癌,好辛苦想死的話…又可能會好同情佢…
    咁多個別假設….所以不可一概而論.

  27. YY﹕
    我對於D人成日自稱高等動物真係好反感﹐自大!自吹自擂!人只不過係食物鏈入面排最高﹐咁就好高等咩﹖(我其實係反人類的﹐閃)
    如果人有思想﹐係人唔會低等動物憑據﹐思想應該係有利於智人呢種動物繁衍啦﹖但如果所謂思想出現一個bug﹐竟然令人做出違反最基本0既求生動物本能﹐做埋晒D自毀行為﹐思想係令人類變得所謂高等﹐定係令人變得比其他動物更低等呢﹖

  28. 逸之 :
    人生存,唔只繁殖,我地人類,有價值層.否則只會和禽獸一樣,人禽之別正在於此……我梗係唔會咁講野.其實文少你講得好岩,人生存確是為了繁衍.(唔知你有冇睇火鳳啦)那麼,如果好像上面斌仔那般,五肢癱瘓,學你話齋,就連一隻單細胞阿米巴變形虫都不如.咁,他要死的話,我地係唔係唔應該阻佢呢?這個世界,有勝利組,有失敗組.(日本仔成日講呢樣野)冇人想做失敗組,不過總會有人做.總會有人溝唔到女,無伴終老,…

    這個世界沒有什麼勝利組,有失敗組的二分法. 如果你有機會到其他國家看, 便會明白. 我沒有強迫你接受什麼意見. 只是看到很多人生活很不容易, 所以更應該珍惜生命, 讓自己好好活下去.
    母親懷胎十月, 不知道你是否能理解當中的情況.
    生命不是婚姻, 生命只有一次, 婚姻可以再來
    只有一次機會, 為例不好好珍惜. 凡事感恩某程度是止痛藥, 就是在生命中遇到困難, 也可以咬緊牙關活下去.
    我只是想重伸, 如果有死的勇氣, 為什麼不努力去打破困難的僵局, 為自己找活下去的出口. 死是解決不了問題.

    斌仔的遭遇, 我覺得他自己走進一個想法的死胡同. 死可能解決家人的負擔和身體的痛楚, 但是否一個好做法. 生命有很多可能性, 為什麼都要選擇一死.

    不喜請刪

  29. 文少 :
    YY﹕我對於D人成日自稱高等動物真係好反感﹐自大!自吹自擂!人只不過係食物鏈入面排最高﹐咁就好高等咩﹖(我其實係反人類的﹐閃)如果人有思想﹐係人唔會低等動物憑據﹐思想應該係有利於智人呢種動物繁衍啦﹖但如果所謂思想出現一個bug﹐竟然令人做出違反最基本0既求生動物本能﹐做埋晒D自毀行為﹐思想係令人類變得所謂高等﹐定係令人變得比其他動物更低等呢﹖

    人的思想在於會分析,會發展,會創造,當然也會破壞和自毀…
    你見過動物自殺未呢請問?

  30. 呢個題目真係好沉重,但好值得思考(o習o習...而家我食緊勁辣既雲南米線都要回應呀)

    個人認為生命既價值還是生存,不論為他人而活or為自己而活

    當然,生命的價值,也在乎個人睇法.呢個世界就係咁,任何事(包括價值)都有辣有唔辣,睇你點睇點選擇.不過請尊重他人既決定

    可以講呢個世界好多o野唔公平;但我認為至少有一樣o野是公平的---人/生命始終要離開(死亡),睇吓早或遲,舒服d或辛苦d

    如果選擇生存,就請好好哋生存落去,唔好因為辣而後悔;當然(唔好怪我涼薄d講句)四肢健全而又生無可戀的話,請適隨尊便.最重要你不要後悔而且唔好留d”蘇州屎”比人.因為好多人想生存都生存唔到.

    至於斌仔,我也同意你既想法,佢應該有權利選擇生存與否.因為佢需要有人尊重佢既決定

    經歷過2次危險關頭既我很珍惜生命,亦很尊重他人既決定,所以現在還不想了結自己(因為還未吃喝玩樂夠&放不下親朋好友).假如真的生無可戀的話,我會先為在生者安排好生活,而且要去得舒服,唔好留d”蘇州屎”比人

    p.s.:逸之,如果有一天真的想離開,你唔好諗住o拿條繩套一套,拉一拉就算喇,咁既離開方法好肉酸o架(唔止會眼突);我有個做消防員既朋友話,佢哋解你落嚟時你會噴一啖氣出嚟,佢哋吸到正一正o架.不如你重新考慮過啦

    (唔好意思,我的回應太長...ur...食得飽得濟~~開工)

  31. 某程度上我同意你講話人有權利去結束生命

    不過呢…拿,我未做人呀媽我唔知,可能做左人父母之後可能會有唔同0既想法都未定…

    仲有,你呢一刻可能覺得結束生命都無所謂,但下一刻當你遇到一打半打世紀大美女撲埋梨果陣你就會改變主意架啦 XD

    正所謂未到最後一秒,比賽尚未完結,但如果放棄,比賽就此結束(安西先生上身XD)

  32. 逸之 :
    TO:文少

    火鳳,起碼到目前為止都仲好好睇.

    斌仔個CASE,如果佢有能力殺死自己的,我就唔需要打咁叉大篇野出黎.我五肢健全,有權選擇死亡.(唔代表我會做!),但斌仔冇辦法選擇.
    揸頸就命慘唔慘都唔重要,慘唔慘都只係睇你點睇,識得感恩,咪會幸福.
    事實上我或者斌仔覺唔覺得慘都唔係重要.斌仔慘,係慘在冇權去選擇.

    咩叫失敗組?
    都係果句,睇你態度.都係每個人有唔同的定義.
    人同動物最大的分別,就係動物的食慾,性慾滿足就唔會諗其他野.人唔係,所以我地會打blog,會有人生目標,會想人生的意義…
    (又要講價值層…我都好憎講呢D 野…)
    我自己的定義,就係滿足唔到自己的目標,已經可以算是失敗.
    我覺得呢個世界總有D人的觀點係為大眾所不容.但人最大的問題,就係經常用自己的尺去度人地.
    有朝一日,我想死的時候,咪死囉.我而家唔想死,咪坐響度吹水.就係咁之嘛.

    火鳳,出完我至睇。
    斌仔case
    首先﹐我認為斌仔唔係無權死﹐係無意志去死。佢唔係要死﹐佢係要安樂死。
    我記得﹐佢好似個口仲識得郁﹐換之可以咬舌自盡。不過咬舌自盡違反物種本能﹐佢要死0既意志克服唔到呢種本能﹐所以做唔到。
    就算佢把口唔識得郁﹐佢應該仲未大小便失禁﹐佢要死﹐可以忍屎忍尿等中尿毒死。你意志力強到可以監粗忍尿﹐醫生未必吹得你脹。同理﹐佢要死0既意志克服唔到呢種本能﹐所以做唔到。
    第二﹐人終其一生﹐本來大部份時間都係揸頸就命。城市人肚餓﹐你要錢﹐你無錢﹐你要打工﹐你打工就要睇老細面色﹐你有無得撈係揸頸就命。做老細﹐要睇個市﹐市場變再遇著老細狂加租﹐或者外圍個市爆大鑊﹐你分分鐘破產乞食﹐有無得撈一樣係揸頸就命。農村人肚餓﹐你可以話去種菜種米﹐但要望天打0卦﹐一樣揸頸就命。
    係大自然﹐生存又係揸頸就命﹐你想生存未必有得你去選擇。兔仔比老虎追﹐唔想死﹐但跑得唔夠老虎快﹐你就瓜柴。
    既然生存本來就係揸頸就命﹐可唔可以繼續生存選擇權未必係你身上﹐點解死亡又應該有選擇權呢﹖

    至於失敗組﹐
    我講0既唔係一套價值﹐我覺得係自然規律。
    你處於呢個人吃人社會入面﹐比人食滑你﹐食0左你﹐做瓜你﹐死亡就係失敗。
    好似你劈友﹐你比人斬瓜你﹐戰死就係失敗。
    人類所謂文明更高招係﹐你每日都係度唔用武器同人劈友﹐係度打無硝煙戰爭﹐但襯家做瓜絕對你唔洗出手﹐打擊你求生意志﹐令你絕望自行了斷﹐就KO你啦~~殺人不流一滴血﹐乾手淨腳。
    所謂五窮六絕七翻身﹐你一息尚存仲未輸﹐你釘蓋﹐就無得再鬥落去。
    然後塵歸塵土歸土棉被歸當鋪﹐你正式玩完。
    我只不過話比你聽﹐你個價值同現實有咩距離0者﹖我唔打算改變你點諗。
    因為自私D講﹐地球六十億人﹐你死0左﹐少個人爭食﹐對我仲有利﹖

  33. yy :
    人的思想在於會分析,會發展,會創造,當然也會破壞和自毀…
    你見過動物自殺未呢請問?

    等我又散播反人類言論先~~
    人類聲稱自己會創造會發展﹐用大自然角度來講﹐所謂創造﹑發展﹐係人類透過破壞大自然﹑改造大自然握殺其他動物生命同生存空間﹐去建立人類生存空間0既一個過程。所以由頭到尾﹐人類從無創造任何一種物質﹐只係改造物質。
    至於人類除進食﹑覓食同交配之外﹐其他行為大部份毫無建設性﹐嚴重浪費地球的天然資源。
    仲有﹐人類本身求偶同交配行為﹐很多時都唔係以繁殖作為目的﹐本身亦是一種虛耗體能和浪費地球天然資源0既行為。
    所以﹐人類時常進行一些對佢地族群生產毫無意義0既行為﹐係一種對大自然破壞性極強﹑大自然適應力奇低0既動物﹐人類只不過係食物鏈排係頂﹐但絕對唔應該被劃作高等動物。

  34. 逸之 :
    你有咩唔明先?逐點逐點問囉.
    我自己覺得斌仔,或者其他想死的人最需要的是尊重,不是同情.或者表面鼓勵實則否定的行為.

    我調返轉﹐我認為任何有自毀傾向0既人﹐都唔值得尊重﹐唔抵可憐﹐兼且需要用恥笑態度加以鄙視。
    就好似一場打鬥﹐你唔夠打但死砌爛打﹐最後被人打瓜﹐我會尊重你係一條好漢。
    你未打先認輸﹐或者打打下舉白旗﹐我會笑你係垃圾。
    對於任何自殺個案﹐我絕對唔會因為傳統道德框架而貓哭老鼠假慈悲﹐我只會大叫抵死﹐因為呢種人求生意志低到連狗不如﹐我作為佢同類都比佢影衰晒~~

  35. 文少 :
    yy :人的思想在於會分析,會發展,會創造,當然也會破壞和自毀…你見過動物自殺未呢請問?等我又散播反人類言論先~~人類聲稱自己會創造會發展﹐用大自然角度來講﹐所謂創造﹑發展﹐係人類透過破壞大自然﹑改造大自然握殺其他動物生命同生存空間﹐去建立人類生存空間0既一個過程。所以由頭到尾﹐人類從無創造任何一種物質﹐只係改造物質。至於人類除進食﹑覓食同交配之外﹐其他行為大部份毫無建設性﹐嚴重浪費地球的天然…

    你講出咗個重點,就係人類與其他動物不同之處,有建設又好有破壞又好,總之,是其他動物不能做到的,至於你認為是底等還是高等,都是一句啫~~
    我都有份破壞大自然,(誰人未試過,唔該話我知~)但人類的智慧是不可抺去.
    講講下,好似越來越離題tin…=.=”

  36. 逸之,雖然文少不嬲都好型,但係我覺得你好慈悲!真架,你會以自己,去感受他人0既痛苦,你覺得斌仔慘,因為你明白斌仔0既痛and無奈,所以你認為佢有權利選擇死,結束自己認為唔開心0既生命。

    無錯,肉身係臭皮囊,我地當然可以選擇死,你唔鍾意自己個樣,你可以走去整容,你唔鍾意自己係男人,你可以走去變性,人當然有自由處理自己0既身體,包括生命,反正傷心0既都只係未亡人(如果你唔顧念的話)。

    但,肉身無左,係咪就係解脫,就可以有自由,就可以唔再受苦?(唔好意思,呢排比較沉迷宗教,我又再講下佛偈)系佛教黎講,係唔讚成人自殺0既,因為佛教講因果關系,如是因,如是果,你今世0既果,係你上世0既因,你今世唔受晒啲苦,落到下面都要繼續受,直至受到你本來應該死的時候,先有得你投胎,跟住到左下世,都要繼續受(可能仲慘,做蓄牲,俾人劏斬煮鄧,呢啲叫「六道輪迴」),除非你個人到達涅盤0既境界,否則,系宗教黎講,呢啲係個人前生做0既業,因果報應,絲毫不差,就好似宇宙定律咁。

    係咪覺得我好唔慈悲?好冷血?唔係,因為所有生命都係寶貴0既,螻蟻尚且偷生,自尋短見只係治標,唔係治本。

    btw,如果斌仔唔係佛教徒,佢選擇死,我當然無異議。(但因為我信佛,所以,我唔讚成,俾多個講法你參考下)

  37. 魔法豆 : 逸之,雖然文少不嬲都好型,但係我覺得你好慈悲!真架,你會以自己,去感受他人0既痛苦,你覺得斌仔慘,因為你明白斌仔0既痛and無奈,所以你認為佢有權利選擇死,結束自己認為唔開心0既生命。無錯,肉身係臭皮囊,我地當然可以選擇死,你唔鍾意自己個樣,你可以走去整容,你唔鍾意自己係男人,你可以走去變性,人當然有自由處理自己0既身體,包括生命,反正傷心0既都只係未亡人(如果你唔顧念的話)。但,肉身無左…

    妳好呀魔法豆,第一次與妳交流意見呢,請多多指教啊!

    我無宗教信仰,但我喜歡聽佛理,因為我覺得佛理比較接近生活,引人心醒亦令人心景平和.

    我同意妳既想法.人只係臭皮囊遲早都要死,亦當然可以選擇先行自我了斷.但係人可以話係獨立個體,亦可以話唔係獨立個體,因為身邊總有與你有聯繫的人存在(包括親人朋友同事...),不是孤獨的.可以豁出去的話當然好,請適隨尊便,也應該有人尊重佢既決定.但是,豁出去前請考慮其他人感受&環境--因為老套d講句:生命無take two,返唔到轉頭的

    個人認為如果選擇生存,就請好好珍惜生命&生存落去,不要輕易自尋短見.不論有無輪迴&因果,請因為活而活,起碼到離開前一刻可以對自己講:我挑戰/面對/解決過困難,我沒有後悔沒有遺憾,不枉此生

  38. 逸之 : 貓比斯 :妳好呀魔法豆,第一次與妳交流意見呢,請多多指教啊!我無宗教信仰,但我喜歡聽佛理,因為我覺得佛理比較接近生活,引人心醒亦令人心景平和.我同意妳既想法.人只係臭皮囊遲早都要死,亦當然可以選擇先行自我了斷.但係人可以話係獨立個體,亦可以話唔係獨立個體,因為身邊總有與你有聯繫的人存在(包括親人朋友同事...),不是孤獨的.可以豁出去的話當然好,請適隨尊便,也應該有人尊重佢既決定.但是…

    謝謝~~你令我發現原來我有好多錯別字…oh…(=_=)

    清靜無為--唔錯丫,耳根清靜嘛!睇嘢也可以比其他人睇得清楚d

    **p.s.咁啱回這個message時我聽到Robbie Williams既Better Man~~我覺得歌寫得好好(多年前我第一次聽時喊o左出嚟),而家我個電話仲保留住呢首歌.無特別意思的just推介而已得閒不妨聽吓啦(我好似有將呢首歌post o左上去我個blog度 or你可去youtube搵); Whatever你可以miss這個p.s.的

  39. 逸之 :
    貓比斯 : 呢個題目真係好沉重,但好值得思考(o習o習...而家我食緊勁辣既雲南米線都要回應呀)個人認為生命既價值還是生存,不論為他人而活or為自己而活當然,生命的價值,也在乎個人睇法.呢個世界就係咁,任何事(包括價值)都有辣有唔辣,睇你點睇點選擇.不過請尊重他人既決定可以講呢個世界好多o野唔公平;但我認為至少有一樣o野是公平的---人/生命始終要離開(死亡),睇吓早或遲,舒服d或辛苦d如果選…..

    都好d嚇得我丫,幾驚你咁快想了結自己…呢個世界好多o野都未試過未享受過,唔好咁快自我了斷呀

  40. 貓比斯 : 魔法豆 : 逸之,雖然文少不嬲都好型,但係我覺得你好慈悲!真架,你會以自己,去感受他人0既痛苦,你覺得斌仔慘,因為你明白斌仔0既痛and無奈,所以你認為佢有權利選擇死,結束自己認為唔開心0既生命。無錯,肉身係臭皮囊,我地當然可以選擇死,你唔鍾意自己個樣,你可以走去整容,你唔鍾意自己係男人,你可以走去變性,人當然有自由處理自己0既身體,包括生命,反正傷心0既都只係未亡人(如果你唔顧念的話)。但,肉身…

    貓比斯,你好呀!你好有孝心喎,仲好識得顧念身邊人的感受emotion,其實你講0既野,我本來都想講,不過唔知點解講講下,又飛左去同宗教一齊講0者=P

  41. 魔法豆 : 貓比斯 : 魔法豆 : 逸之,雖然文少不嬲都好型,但係我覺得你好慈悲!真架,你會以自己,去感受他人0既痛苦,你覺得斌仔慘,因為你明白斌仔0既痛and無奈,所以你認為佢有權利選擇死,結束自己認為唔開心0既生命。無錯,肉身係臭皮囊,我地當然可以選擇死,你唔鍾意自己個樣,你可以走去整容,你唔鍾意自己係男人,你可以走去變性,人當然有自由處理自己0既身體,包括生命,反正傷心0既都只係未亡人(如果你唔顧念的話…

    承讓承讓,只是發表個人意見而已...好多人既想法未必同我一樣

    不如得閒同妳&逸之探討吓佛理與生活既關係丫~~我好有興趣啊!

  42. yy你講出咗個重點,就係人類與其他動物不同之處,有建設又好有破壞又好,總之,是其他動物不能做到的,至於你認為是底等還是高等,都是一句啫~~
    我都有份破壞大自然,(誰人未試過,唔該話我知~)但人類的智慧是不可抺去.
    講講下,好似越來越離題tin…=.=”

    人智慧比唔比其他動物高﹐呢個其實唔係重點﹐重點係人類生存係靠雜食﹑飲水﹑呼吸﹐唔絕種要靠繁殖﹐呢點同其他動物相同。
    如果我地唔硬去先將自己高一等﹐係萬物之靈﹐將人類當作萬獸之一﹐反而更容易解釋到﹐人類所謂智慧﹐同所謂人生價值觀係咩一回事。
    所謂人類之所以自以為自己係高等動物﹐係指人類因為智慧比唔比其他動物高﹐所以可以利用智慧改造自然﹑改造物質﹐而建立一個更適合人類生存同繁殖0既環境…
    換言之﹐對人類來講﹐智慧如果係有價值﹐智慧係人類一種生存優勢。照道理﹐應該係為人類生存同繁衍服務。
    如果人生係有意義的話﹐生存同繁衍﹐就係人生0既意義﹐無其他意義﹑亦無可能有其他意義。
    其他唔利於生存同繁衍0既主張﹐都係反常0既。
    所以所有宗教﹑道德都反對自殺﹐內容有異﹐但原理一樣﹐因為宗教﹑道德存在意義﹐就係以鼓勵人類生存同繁衍做目標。
    即使道德或者宗教會鼓吹人類為追求一種價值﹑理想而犧牲生命﹐但內容必定係“犧牲小我﹐完成大我”﹐即係犧牲個體去保存集體﹐令人類可以繼續繁衍﹐不致於絕種。
    呢個解釋0左﹐點解逸之認為“人類有權選擇死亡”﹐會有強烈反彈﹐佢亦認為大眾所不容。
    唔係因為逸之所講﹕“人經常用自己的尺去度人地”﹐而係因為“人類有權選擇死亡”呢種諗法﹐係有違人類求生本能意識﹐不利於生存同繁衍﹐於是一般人就會近乎本能0既條件反射咁認為﹐呢種諗法係反常﹑有違常理。
    通俗D講﹐人地會叫呢種諗法做…痴線(笑)。

  43. 魔法豆﹐你唔好講到我冷血先得0架﹖我係冷靜﹐唔係冷血(笑)~~同埋有D0野﹐我覺得訴諸感情係無意思。

    我唔想好似你咁用宗教道理﹑或者好似火羽咁生命好寶貴去解釋自殺呢個問題﹐係因為我覺得﹐價值觀唔同﹐唔信就乜都無用。pro少少講﹐可能我睇得帕少D文多﹐所以我想學帕少果種科學分析﹐透過解釋宗教同道德點解反對自殺﹐或者將人類當作其中一種動物去分析﹐人生所謂意義。

    雖然我至今仍然認為呢個係假問題﹐好無聊。

    點解所謂人生意義或者生存價值呢類問題好無聊呢﹖理由好簡單。當人生真係其實無意義啦﹐生存其實係無價值啦﹐點先﹖你唔生存呀﹖你肚餓唔洗食飯呀﹖你口渴唔洗飲水呀﹖你可以閉氣唔呼吸呀﹖你見到靚女﹑靚仔唔起痰先﹖唔係呀嘛﹐咁諗來把托咩﹖

    至於我話生存本身就係生存0既價值﹐原因好簡單﹐你將所有問題向前推就有答案。人點解要打工﹑做生意呀﹖搵錢。點解要搵錢呀﹖唔搵錢無飯食。點解要有飯食呀﹖因為無飯食就唔可以生存﹐會死。咪係囉。問生存有咩意義﹐同問食飯﹑飲水﹑大小解﹑透氣﹐意義係一樣0架﹐就係為生存。你覺得無價值無意義﹐你唔好呼吸呀﹖笨。

    所以呢…逸之講0既唔係人有無選擇死亡0既權利﹐係人有無選擇點去死亡0既權利。佢唔係認為人有權選擇死﹐而係選擇好死。同埋點解我話自殺係有違本能呀﹐如果唔係人類自殺要靠外力﹖例如斌仔﹐你話絕食會比人打鹽水﹐佢要死的話﹐監粗閉氣咪死囉﹖可以咬舌自盡﹑可以監粗唔大小解中尿毒死﹐只需要佢要求死意志強到可以戰勝本能咪得囉﹖點解唔咁做﹖點解要求安樂死﹖因為人再強意志﹐都好難戰勝本能﹐所以要靠外力。

    例如逸之話﹐如果佢想死佢會吊頸。點解要吊頸﹖點解要用外力﹖點解唔反鎖自己監生餓死渴死自己﹖點解唔咬舌自盡﹖點解唔學古代日本武士剖腹﹖因為佢潛意識清楚﹐本能係怕死呢個事實﹐所以要靠外力﹐求長痛不如短痛。

    所以我得出一個結論﹐如果你有老朋想自尋短見﹐勸係無用﹐話比佢聽生命好寶貴﹑自殺會落地獄﹐都無用。即場爆粗鬧佢﹐同佢講﹕「你要死嘛﹖我即場攞你命!」然後拎棍追打佢九條街﹐打到佢反艇就最有用。好冷血好變態嘛﹖唔係﹐當一個人真係意識到自己會慘死﹑死無全屍﹐死前飽經折磨﹐求生意志就會自動啟動返0架啦。

    我試過﹐真係幾work。

  44. 逸之 :
    既然生存本來就係揸頸就命﹐可唔可以繼續生存選擇權未必係你身上﹐點解死亡又應該有選擇權呢﹖
    ↑ 因為我地係人,唔係兔仔,唔會有老虎追你.你只要繼續呼吸,已經係生存緊.

    因為人有生存的權利,我地唔可以無啦啦斬死人.咁人想死的時候,我地又點解要吊住人條命唔俾人去?

    失敗組

    根據文少的講法,要去到玩完釘蓋先叫失敗組.但現實又是不是這樣呢?我覺得未必.

    既然生存本來就係揸頸就命﹐可唔可以繼續生存選擇權未必係你身上﹐點解死亡又應該有選擇權呢﹖
    ↑ 因為我地係人,唔係兔仔,唔會有老虎追你.你只要繼續呼吸,已經係生存緊.

    因為人有生存的權利,我地唔可以無啦啦斬死人.咁人想死的時候,我地又點解要吊住人條命唔俾人去?

    我從來唔相信人係有生存權利﹐唔相信乜春天賦人權﹐人有食力先可以生存﹐有D地方你一出世﹐有自立能力前你就無得留低﹐所以你連講食力機會都無﹐所以有D人信好醜命生成。

    所謂人權﹑生存權利﹐都係D鬼佬吹水作來呃細路﹐實際係班鬼佬地方咁發達﹐其實係D鬼佬家山有福﹐祖宗護蔭﹐老豆賺錢仔享福﹐打落個江山比佢地做二世祖﹐先可以哎得咁口響~~

    自殺case亦都多D係發達地方發生。點解呀﹖如果你一出世個國家就打仗﹑打內戰﹑飢荒到要人食人﹑瘟疫﹐種族仇殺﹐你有飯食﹑執到條命仔都偷笑啦﹐有時間都掛住搵食﹐邊得閒諗乜春人生意義呀呢亭無謂0野﹖你死呀﹖仲好呀﹐你條屍唔好徙﹐我有餐食~~

    至於你話人類無老虎追你﹐生活本身咪係老虎囉﹖生活逼人嘛﹖可能你屋企剩低﹐或者你學識高搵錢易﹐去日本讀書前儲落大把啦﹖或者你未試過山窮水盡﹐越窮越見鬼﹐所以你咪未見過老虎囉﹖

    係我個世界入面﹐生活就係戰鬥﹐但係﹐其實度度都係一樣0者﹐只不過係無硝煙戰爭0者﹖如果唔係我點會話呢個世界係人吃人﹐狗咬狗呢﹖

    所以﹐你話唔認同釘蓋先係失敗組﹐係你未真正試過咩叫一敗塗地0者﹖你反鎖自己屋企三日無得食無水飲﹐你近距離接觸下死亡係咩﹐你就知我無講錯0架啦~~唔信你可以試下0架﹖可以做實驗證明的。

  45. 文少 :
    yy你講出咗個重點,就係人類與其他動物不同之處,有建設又好有破壞又好,總之,是其他動物不能做到的,至於你認為是底等還是高等,都是一句啫~~我都有份破壞大自然,(誰人未試過,唔該話我知~)但人類的智慧是不可抺去.講講下,好似越來越離題tin…=.=”人智慧比唔比其他動物高﹐呢個其實唔係重點﹐重點係人類生存係靠雜食﹑飲水﹑呼吸﹐唔絕種要靠繁殖﹐呢點同其他動物相同。如果我地唔硬去先將自己高一等﹐係萬…

    嘩~~好長氣=.=”
    怕咗你~~你啱你啱(再講落去寫成萬字都似~~走先~)

  46. 文少 :
    魔法豆﹐你唔好講到我冷血先得0架﹖我係冷靜﹐唔係冷血(笑)~~同埋有D0野﹐我覺得訴諸感情係無意思。
    我唔想好似你咁用宗教道理﹑或者好似火羽咁生命好寶貴去解釋自殺呢個問題﹐係因為我覺得﹐價值觀唔同﹐唔信就乜都無用。pro少少講﹐可能我睇得帕少D文多﹐所以我想學帕少果種科學分析﹐透過解釋宗教同道德點解反對自殺﹐或者將人類當作其中一種動物去分析﹐人生所謂意義。
    雖然我至今仍然認為呢個係假問題﹐好無…

    文少,我梗係明你想點啦!我認同生存係人0既本能,基本上,我地做任何野,都係基於本能,反而求死,先係違反自然定律,所以話「螻蟻尚且偷生」,而且所有生物,都有繁殖的本能,至於我用宗教的角度去講,其實同你想用現今科技0既角度講,係一樣0既,都係俾大家多個意見同睇法參考下。

    btw,你最後個題議唔錯,但唔知對住斌仔會點,佢會合埋眼等你劈,定係會同你講「咪住」?同埋,我有個疑問,你對住你個fd,係咪真係可以劈得落手?

  47. 貓比斯 :
    承讓承讓,只是發表個人意見而已...好多人既想法未必同我一樣

    不如得閒同妳&逸之探討吓佛理與生活既關係丫~~我好有興趣啊!

    貓比斯,你有緣接觸佛法,梗係好啦!我都好想同人一齊研究下!!不過我係屎野黎架咋,文少勁好多!我都仲要睇書=P

  48. yy :
    文少 :yy你講出咗個重點,就係人類與其他動物不同之處,有建設又好有破壞又好,總之,是其他動物不能做到的,至於你認為是底等還是高等,都是一句啫~~我都有份破壞大自然,(誰人未試過,唔該話我知~)但人類的智慧是不可抺去.講講下,好似越來越離題tin…=.=”人智慧比唔比其他動物高﹐呢個其實唔係重點﹐重點係人類生存係靠雜食﹑飲水﹑呼吸﹐唔絕種要靠繁殖﹐呢點同其他動物相同。如果我地唔硬去先將自己高一…

    yy,我懷疑文少打字快過講野,呵呵~

  49. 逸之 : 文少 :魔法豆﹐你唔好講到我冷血先得0架﹖我係冷靜﹐唔係冷血(笑)~~同埋有D0野﹐我覺得訴諸感情係無意思。我唔想好似你咁用宗教道理﹑或者好似火羽咁生命好寶貴去解釋自殺呢個問題﹐係因為我覺得﹐價值觀唔同﹐唔信就乜都無用。pro少少講﹐可能我睇得帕少D文多﹐所以我想學帕少果種科學分析﹐透過解釋宗教同道德點解反對自殺﹐或者將人類當作其中一種動物去分析﹐人生所謂意義。雖然我至今仍然認為呢個係…

    我都試過用文少的方法拋d朋友, 佢用棍我用我部寶貝車. 不過d朋友仔多數係我出手之前已經講掂左, 所以無用過. ^^

  50. yy :
    嘩~~好長氣=.=”
    怕咗你~~你啱你啱(再講落去寫成萬字都似~~走先~)

    問你怕未﹖哈哈哈哈哈~~(奸笑)

  51. 逸之 :
    文少最後講的方法,可能真的WORK.如果有一日我想死的話可能要找文少幫幫手呢.

    你唔好救返你之後報警話我打你就得啦。(笑)

  52. 逸之 :
    可能你講得岩.
    我真係未試過刀頭舔血,朝不保夕的生活.
    可能永遠也不會明白.
    但,我覺得每人都有自己的悲傷.
    我或者那些人豐衣足食,唔需要為生活煩.就自然會為其他東西煩.
    好似人生的意義咁樣講,追求物質之後就係追求價值,需要別人的認同.就係因為價值不被支持,才會有想死的念頭呢.
    我覺得,那些人太可憐了.

    所以我否定所謂價值係有價值0既﹐用上一代講法﹐骨氣﹑理想值幾錢斤﹖
    做人﹐永遠都係衣食足然後知榮辱﹐你被人反鎖餓﹑折磨三日三夜﹐睇你仲講咩骨氣﹖(忽然諗起黑社會2以和為貴)

  53. 魔法豆 文少,我梗係明你想點啦!我認同生存係人0既本能,基本上,我地做任何野,都係基於本能,反而求死,先係違反自然定律,所以話「螻蟻尚且偷生」,而且所有生物,都有繁殖的本能,至於我用宗教的角度去講,其實同你想用現今科技0既角度講,係一樣0既,都係俾大家多個意見同睇法參考下。

    btw,你最後個題議唔錯,但唔知對住斌仔會點,佢會合埋眼等你劈,定係會同你講「咪住」?同埋,我有個疑問,你對住你個fd,係咪真係可以劈得落手?

    答案係﹕我一刀攞佢命﹐佢可能合埋眼等你劈﹐我學古代玩凌遲﹐佢未過十刀就會同我哎救命。因為佢真正透過凌遲﹐知道咩叫求生不得求死不能(所以話中國古代酷刑真係好變態~~)

  54. 文少 :
    答案係﹕我一刀攞佢命﹐佢可能合埋眼等你劈﹐我學古代玩凌遲﹐佢未過十刀就會同我哎救命。因為佢真正透過凌遲﹐知道咩叫求生不得求死不能(所以話中國古代酷刑真係好變態~~)
    blockquote>

    你都係….=口=”

Comments are closed.